Шпаркасе ќе плати по 5.577 денари за акција на акционерите во Охридска банка

Надзорниот одбор на Охридска Банка на седницата одржана на ден 15.01.2021 година го одобри склучувањето на Спогодбата за присоединување на Охридска Банка
АД Скопје кон Шпаркасе Банка Македонија АД Скопје, по што истата беше
потпишана во согласност со Законот за трговски друштва.

Согласно склучената Спогодба, за акционерите на Банката што се присоединува
кои ќе се изјаснат дека не сакаат да примат акции во Банката што презема во
замена за нивните акции, Банката што презема ќе изврши откуп на акциите на
акционерите од Банката што се присоединува по откупна цена од 5.577 денари за
една акција, стои во соопштението на Македонска берза.

Спогодбата ќе стане полноважна по одобрувањето од Собранието на акционери
на двете банки, а по добиена претходна дозвола за статусна промена од страна
на Гувернерот на Народната Банка на Република Северна Македонија.

Спогодбата, прилозите и другите релевантни информации ќе бидат достапни за
увид на акционерите согласно роковите предвидени со закон