СО НЕВЕРОЈАТНИ 105 МИЛИОНИ ПОСЕТИТЕЛИ ВО 2023, трговскиот центар „Дубаи Мол“ е најпосетуваното место на планетата
2 мин читање1870 прегледи
Трговскиот центар во Дубаи тврди дека тоа е најпосетуваното место на Земјата, откако забележал 105 милиони посетители во 2023 година. „Дубаи мол“, е најголемиот трговски центар во светот врз основа на вкупната површина . Објектот го забележа првиот рекорд од 88 милиони посетители во 2022 кога беше отворен, а лани посетеноста скокна за 19 отсто.
Бројките објавени од трговскиот центар – кој е во сопственост и управуван од Emaar – откриваат дека неверојатни 20 милиони луѓе го посетиле комплексот само во првите два месеци од оваа година, што значи дека 2024 година ќе биде веројатно уште една рекордна година.
Основачот на Emaar, Мохамед Алабар, тврди дека новата статистика покажува како трговскиот центар станал глобална атракција, привлекувајќи посетители од секој агол на светот. „Овие бројки го одразуваат импресивниот статус на Дубаи Мол и го отсликуваат напредното лидерство и силната економија на Дубаи“, вели сопственикот и додава дека широкиот спектар на националностите кои го посетиле не само што го истакна светскиот шарм на трговскиот центар, туку и ја одразува космополитската култура на самиот Дубаи.
Трговскиот центар има површина од 12 милиони квадратни метри нуди 1.200 продавници за малопродажба, стотици места за храна, лизгалиште со олимписка големина, џиновски аквариум и огромен кинески кварт.
Се наоѓа веднаш до највисоката зграда на светот, Бурџ Калифа (висок 828 метри).
Во споредба со Дубаи Мол, други исклучително популарни трговски центри го вклучуваат центарот Ала Моана во Хонолулу, Хаваи, кој прими 52 милиони посетители во 2019 година, според Статиста, и Мол оф Америка, во Минесота, кој имаше приближно 40 милиони посетители во 2019 година.
Овие бројки се џуџести од стапките на Дубаи Мол, кој е исто така многу попопуларен од најпосетуваниот град во светот, Истанбул, кој според Euromonitor International дочека 20,2 милиони меѓународни пристигнувања во 2023 година.