Сметководителите заразени, рокот за поднесување годишна сметка продолжен до 25-ти
1 мин читање769 прегледи
По барањата за одложување на рокот за доставување на годишна сметка Централниот регистар одлучи да го продолжи рокот за електронско поднесување на годишна сметка до 25 март до 24 часот.
„Ваквата одлука за пролонгирање на рокот се носи согласно ситуацијата и мерките од Владата за заштита и превенција од вирусот Ковид-19, како и поради тоа што голем број од сметководителите се заболени од вирусот и не се во можност да ги запазат законските рокови.
Одлуката за пролонгирање на рокот е во согласност со член 477 од Законот за трговски друштва.Иако заклучно со вчерашниот ден над 90% од обврзниците веќе ја поднеле годишната сметка, сепак како сервисно ориентирана институција, секогаш сме подготвени да одговориме на барањата на своите корисници, во рамките на законските можности“, соопшти Централниот регистар на Македонија.