Бизнис

СЛЕДНАТА ГИГА-ФАБРИКА на Тесла ќе биде во Мексико

1 мин читање1137 прегледи

Следете не на Viber

Извршниот директор Илон Маск потврди дека Tesla планира да изгради Гигафабрика во Монтереј, Мексико. Тоа ќе биде петта фабрика за склопување автомобили на производителот на електрични возила.

Новата фабрика, комбинирана со проширувања на постоечките капацитети, може да го зголеми производството на околу 3,5 милиони автомобили годишно, соопшти Тесла.

Менаџментот рече дека мексиканската фабрика ќе го произведе своето возило од следната генерација, автомобил со пониска цена за кој беше навестен претходно на настанот. Компанијата соопшти дека деталите за тоа возило ќе бидат откриени подоцна.

Не беше даден конкретен временски рок за почеток и работа на фабриката.

На другите погони им требаше повеќе од една година од датумот на објавување за да станат оперативни. Тоа би ја ставило мексиканската фабрика на распоред за производство на следниот модел до крајот на 2024 година.