Синдикатот на Стопанска банка Скопје подари 250 новогодишни пакетчиња

Новогодишно пакетче од Стопанска банка Скопје ќе добијат 250 деца. Синдикатот на најстарата банка годинава ја продолжи традицијата да подари радост таму каде што најмногу е потребна.

„Со искрена желба да разбудиме насмевки и да внесеме светлина во детските денови“, како што велат од Банката, пакетчињата се поделени во осум институции лоцирани низ градовите во земјава: ЈУ Меѓуопштински центар за социјална работа – Скопје (Дневен центар за аутизам); Дневен центар Гостивар; Национално здружение “Соѕвездие” – Скопје; Меѓуопштински центар за социјални работи – Берово; ОЈУДГ „7 Септември“ – Пехчево; Јавна установа Дом за доенчиња и мали деца – Битола; Детска онкологија – Скопје; НБО „Пркос“ – Скопје.

„Секое пакетче носи порака на топлина, надеж и празнична магија. Затоа што најголемиот подарок што можеме да го дадеме е – човечноста“, порачуваат од Стопанска банка Скопје.