Силк Роуд Банка во потрага по одговорен референт за спречување перење пари

СИЛК РОУД БАНКА АД СКОПЈЕ нуди можност за работа во динамична, квалитетна и пријатна работна средина, со можност за личен развој и професионален напредок.

Банката вработува ОДГОВОРЕН РЕФЕРЕНТ ЗА СПРЕЧУВАЊЕ ПЕРЕЊЕ ПАРИ во Служба за правни работи, усогласување со прописи, спречување перење пари и наплата на побарувања.

Кандидатот треба да ги исполнува следните обврски:

• Да се грижи за усогласувања со законите и прописите со кои се уредува областа на СПП / ФТ и ПСК
• Да ги гради знаењата и вештините на вработените од областа на СПП и применува процедури за контрола на квалитетот во однос на извршената ревизорска работа.
• Да ја развива и унапредува методологијата на работа во рамките на својата надлежност
• Да ги поминува сите ревизии
• Да се грижи за усогласување со внатрешната (акти, циркулари, упатствата и др.) и надворешната регулаторна рамка (НБРСМ, Министерство за финансии – Управа за финансиско разузнавање)
• Да ја претставува Банката пред Регулаторните органи (НБРМ, Управа за финансиско разузнавање, Финансиска полиција и комуницира со нив за прашања во негова / нејзина одговорност
• Да се грижи за правилното спроведување на политиките и процедурите на Банката за спречување на перење пари и финансирање на тероризам, коишто мора да се усогласени со политиката на Банката и локалните закони
• Да се грижи Банката да биде сообразна со регулаторната рамка за спречувањето на перење пари и финансирање на тероризам и дава препораки до Раководството за соодветни мерки за СПП / ФТ
• Да се грижи за доставување на навремени и прецизни извештаи до Управата за финансиско разузнавање за готовински трансакции над законските граници, сомнителни трансакции, заеми, кредити исплатени над законските граници, ад хок извештаи за СПП, ад хок истраги и други активности пропишани со правната рамка

Кандидатите треба да ги исполнуват следните квалификации:

• Универзитетска диплома во областа на економијата
• Минимум 3 години искуство во областа на спречување перење пари
• Сетификат ЦАМС СПП / ФТ издаден од АЦАМС (Здружение на овластени специјалисти за спречување перење пари) ќе се смета за предност
• Знаење од областа на банкарството
• Одлично познавање на англиски јазик
• Одлично познавање на MS Office (Word, Excel)

Избраниот кандидат треба да поседува:

• Соодветни стручни и лични особини
• Одлични аналитички вештини
• Одлични организациони вештини
• Високо ниво на комуникациски вештини
• Иницијатива и флексибилност

Работното време е 8 часа дневно, односно 40 часа неделно, од понеделник до петок.

Заинтересираните кандидати своето CV заедно со мотивационо писмо на македонски јазик може да ги достават на: hr@silkroadbank.com.mk, со назнака за „Одговорен референт за спречување перење пари” најдоцна до 29.07.2021 година.