СЕПА плаќања во АЛТА банка – побрз и поекономичен трансфер на евра

СЕПА кредитните трансфери се достапни за клиентите и корисниците на услугите на АЛТА банка АД Битола, овозможувајќи побрзи, поевтини и попредвидливи плаќања во евра, и за граѓаните и за компаниите. Современото решение за плаќања во евра кон и од земјите кои се дел од Единствената област за плаќања во евра (СЕПА) е воведено согласно регулативата на Народна банка и европските платни стандарди.

Што значи тоа во практиката? Со користење на СЕПА кредитните трансфери преку АЛТА банка, клиентите добиваат значително пониски трошоци во споредба со традиционалните трансфери, побрза обработка на трансакциите – најдоцна до следниот работен ден, како и транспарентна структура на надоместоци со примена на принципот SHA, односно поделени трошоци. Платниот промет се одвива во сигурна и стандардизирана рамка, усогласена со европските платни шеми, што овозможува едноставна и ефикасна реализација на плаќањата.

Овие кредитни трансфери се извршуваат исклучиво во европската валута, кон земји членки на СЕПА шемата и кон банки регистрирани за СЕПА кредитни трансфери, со што се обезбедува високо ниво на сигурност и можност за следење на трансакциите.

Услугата е наменета за граѓаните кои вршат плаќања во евра кон странство, за компаниите со деловни партнери во СЕПА зоната, како и за сите клиенти кои бараат побрзи и поекономични прекугранични плаќања. СЕПА кредитните трансфери преку АЛТА банка се реализираат според регулативата на НБРСМ, правилата за девизно работење, прописите за спречување перење пари и финансирање на тероризам, како и европските платни стандарди и безбедносни протоколи.

Воведувањето на СЕПА кредитните трансфери претставува дел од развојната стратегија на АЛТА банка, насочена кон модерни и дигитални банкарски услуги.