Секој трет европеец купил фалсификат роба преку онлајн продавница

За потрошувачите е сеуште многу тешко да ги разликуваат оригиналните производи од фалсификатите – ова е еден од заклучоците на штотуку објавената студија „Европски граѓани и интелектуална сопственост“, која е спроведена од Канцеларијата за интелектуална сопственост на ЕУ.

Скоро секој трет европеец изјавил дека имал искуство со купување на фалсификуван производ, но дека не знаел дали производот е оригинален, бидејќи постојат значителни разлики меѓу земјите-членки на ЕУ.

Земјите со најголем број на измамени потрошувачи се: од Бугарија (19 проценти), Романија (15 проценти) и Унгарија (15 проценти). Од друга страна, најмалку измамени се меѓу Швеѓаните (два проценти) и Данците (три проценти).

Според податоците на Евростат, повеќе од 70% од граѓаните на ЕУ купувале преку Интернет во текот на претходната година. Сепак, и покрај трендот на купување преку Интернет, истражувањето покажува дека секој трет жител на земјите-членки на Унијата сè уште се сомнева дали производите што се нудат на овој начин се фалсификати.

Проценките велат дека фалсификатите сочинуваат 6,8 проценти од вкупниот увоз во вредност од 121 милијарда евра. Постои фалсификувана роба во сите сектори: од козметика, играчки, вино и други пијалоци, електронски производи, облека, па дури и во понудата на пестициди. Истражувачите на ЕУИПО потсетуваат дека тие можат да бидат сериозни закани за здравјето на потрошувачите, особено поради изложеноста на штетни хемикалии и слични опасности.

Покрај ризиците по здравјето и безбедноста, фалсификатите честопати предизвикуваат и финансиски загуби. Онлајн пиратерија е исто така профитабилен бизнис за измамниците. Во случајот на IPTV, односно содржина прегледана преку Интернет, загубите се значителни. Нелегалните даватели на IPTV во Унијата заработуваат скоро милијарда евра годишно, предизвикувајќи значителна штета на креаторите на овие содржини и другите правно-економски субјекти.

Кривичните дела од областа на интелектуалната сопственост се исто така профитабилна активност во која се вклучени организирани криминални групи, а се повеќе докази укажуваат на поврзаноста помеѓу фалсификатот и пиратерството, вклучително и други тешки кривични дела како што се трговијата со дрога и луѓе, компјутерски криминал и други измами.