Седум креативни начини да допрете до инвеститорите како претприемач

Да најдете инвеститори за вашиот стартап не е лесна задача. Постојат многу претприемачи кои, исто така, бараат инвеститор. За да бидете чекор напред од останатите, треба да бидете креативни. Во продолжение 7 совети кои можат да ви помогнат да контактирате со инвеститорите.

Вмрежување

Вмрежувањето е најмоќниот начин да се допре до инвеститорите. Многу претприемачи велат дека немаат време за активно мрежно поврзување, што е клучна грешка. Треба да се поврзете со претприемачката заедница, да станете дел од неа и активно да учествувате во нејзиниот раст. Дури и ако не го продавате вашиот бизнис директно на секој настан, сепак го ставате на мапата. Вмрежувањето е одличен начин да добиете видливост за вашиот стартап и да се поврзете со инвеститорите.

Говор со кој ќе го привлечете вниманието

Откако ќе го воспоставите вмрежувањето треба да одите на следното ниво. Станува збор за начин на говорење со кој ќе го придобиете аудиториумот да го купуваат вашиот производ или услуга. Ваквите настани се одличен начин за средби со инвеститорите како и со потенцијалните клиенти. Кога сте на сцената, целото внимание е свртено кон вас. Искористете го максимумот – покажете го бизнисот, вредноста, потенцијалот. Презентацијата треба да биде кратка и ефектна и оствете простор за прашања од публиката.

Побарајте да бидете претставени

Во претприемничкиот свет, секој познава некого. Користете ги вашите врски за да контактирате со инвеститорите. Нема ништо лошо да се побара некој да ве воведе. Создадете список на луѓе што ги познавате (лица од факултетските денови, вашиот професор на универзитетот, луѓе за кои сте работеле порано, други претприемачи) и кажете им дека сакате да се сретнете со некои инвеститори кои можат да бидат заинтересирани за вашата компанија. Можеби ќе бидете изненадени од подготвеноста на луѓето да ве поврзат – на позитивен начин!

Придонесете

Одличен начин да се придонесе кон претприемничката заедница е да се создаде корисна содржина. Напишете написи и објави на блогови што споделуваат вредни информации. Бидете активни и внесете вредност во заедницата, на тој начин нема да останете долго време незабележани. Инвеститорите ја ценат информативната содржина на Интернет, затоа вложувајте напор да бидете еден од оние луѓе кои ќе им ги обезбедатн тие информации.

Зборувајте

Како претприемач, веројатно имате многу работи што можете да ги споделите – од вашата инспирација преку вашето претприемачко патување до експертизата што ја имате во вашата област. Барајте можности за зборување како конференции, семинари, работилници, па дури и мали собири. Тоа е одличен начин не само да го споделите вашето знаење, туку и да создадете име  како претприемач за вашиот бизнис.

Најдете ментор

Да се ​​најде ментор е една од најдобрите работи што можете да ги направите како претприемач. Некој, кој може да ве води и да ве советува, некој, кој има долгогодишно експертиза во вашата област и многу врски. На тој начин ќе ви помогне да поминете низ стартап светот со поголема самодоверба и сила. Вашиот ментор исто така ќе биде среќен да ве запознае со неговата мрежа, што е одличен начин да се сретнете со инвеститорите.

Мобилизирајте ги сите во тимот

Членовите на вашиот тим треба да бидат вашите најсилни застапници на брендот. Охрабрете ги да бидат активни во сцената на претприемништво, да се вмрежат и да придонесат, исто така преку создавање содржина. Нивните мрежи се вредни. Членовите на вашиот тим ,исто така, имаат интерес да го промовираат стартапот за кој работат (особено ако имаат капитал), затоа поттикнете ги да го сторат тоа.