НОВИ ЦЕНИ-еуросупер 95 ќе чини 67 денари, дизелот 56,5 денари

Од ноќеска цената на горивата во Македонија ќе се намалат за половина денар. Иако одлуката се уште не е офцијално објавена, Марко Бислимовски претседателот на Регулаторната комисија за енергетина ова го потврди во гостувањето во „Студио 10“ на ТВ24. Оваа одлука е и очекувано ако се следи движењето на цената на нафтата на светските берзи каде што таа забележа пад.

Одлуката доаѓа по неколкунеделно зголемување на цената. Новите цени се однесуваат на бензините и на дизел горивата.

 

Од ноќеска цените на горивата ќе бидат:

 

ЕУРОСУПЕР БС-95 — 67 денари
ЕУРОСУПЕР БС-98 — 69 денари
ЕУРОДИЗЕЛ — 56,50 денари

Новите цени на горивата ќе важат до следниот понеделник.