Русија размислува за плаќање во криптовалути за да се спротивстави на санкциите

Руската влада е подготвена да размисли за дозволување на употребата на криптовалути за меѓународни плаќања, објави Ројтерс во вторникот, а реализацијата на таа идеја може да ѝ помогне на земјата да го намали влијанието на западните санкции наметнати на Москва. „Во принцип, ние не се противиме на употребата на криптовалути во меѓународните трансакции“, рече Ксенија Јудаева, првиот заменик-гувернер на Централната банка на Руската Федерација, на брифингот во вторникот со новинарите, според Ројтерс.

Централната Банка на Русија претходно повика на забрана на криптовалутите, а во декември, наводно, разговарала со играчите на пазарот и експерти за забрана на инвестирање во криптовалути за да се ограничат ризиците за финансиската стабилност. Русија во април ја процени големината на нејзиниот крипто пазар на 10 трилиони рубљи.

Дозволувањето криптовалути за порамнување на меѓународните плаќања ќе ѝ помогне на Русија да го ублажи влијанието на западните санкции наметнати на Москва поради нејзината инвазија на Украина кон крајот на февруари, соопшти Министерството за финансии минатата недела, според извештајот. ЕУ, САД и другите сојузници го прекинаа пристапот на Русија до нејзините девизни резерви од над 600 милијарди долари и ги затворија руските банки од Свифт, меѓународниот систем за финансиски пораки.

Банките сега имаат поголема девизна ликвидност, со што би се намалиле вкупните ризици од санкциите до финансиската стабилност, рече Јудаева. Но, Банката на Русија сè уште ја гледа употребата на криптовалути во земјата како финансиска закана, рече Јудаева.