Романија со највисока годишна стапка на инфлација од ЕУ членките во југоисточна Европа, Грција со најниска

Романија забележа највисока годишна стапка на инфлација меѓу земјите-членки на ЕУ во Југоисточна Европа во јуни, од 9,3%, објави во средата статистичкиот завод на ЕУ.

За споредба, Грција забележа најниска годишна инфлација меѓу членките на ЕУ во ЈИЕ минатиот месец, од 2,8%, во споредба со просекот на ЕУ од 6,4%, се вели во соопштението на Евростат.

На месечна основа, Хрватска забележа највисок пораст на потрошувачките цени меѓу земјите на ЕУ во ЈИЕ во јуни, од 1,6%. Оваа земја има и висока годишна стапка на инфлација, односно, втора по висина во регионот – 8,3 проценти.

Бугарија, пак, забележа најниска месечна инфлација во регионот, од 0,1%. Нејзината годишна инфлација изнесува 7,5%.

На ниво на ЕУ, стапката на годишна инфлација е 6,4 отсто, додека потрошувачките цени во јуни се зголемиле во просек за 0,3%.