РЕБАЛАНСОТ НА БУЏЕТОТ ВО ТЕК: Ќе се скратат уште 100 милиони евра непродуктивни трошоци

Уште 100 милиони евра непродуктивни трошоци ќе се скратат во буџетот со ребалансот на кој се работи, а треба да биде готов до крајот на месецот. Според премиерот Димитар Ковачевски ова се нови дополнителни кратења од веќе предвидените.

– На ребалансот се работи. Расходната страна на буџетот веќе е завршена и предвидени се кратење на уште 100 милиони евра непродуктивни трошоци, кои се дополнителни кратења на веќе предвидените 8 проценти кај расходите, изјави Ковачевски во дневникот на „Сител”.