Растечката инфлација најголема главоболка за земјите од Г20

Неконтролираната инфлација, должничката криза и проблемите со трошоците за живот претставуваат најголема закана за водење бизнис за земјите од Г-20 во следните две години, покажаа податоците на Светскиот економски форум во понеделникот. Инфлацијата се искачи на нивоа невидени во неколку децении, што поттикна третина од земјите на Г20 да го идентификуваат растот на цените како нивна главна грижа, покажа Анкетата на извршното мислење спроведена од Центарот за нова економија и општество на Светскиот економски форум.

Иако централните банки ширум светот тргнаа на агресивен пат за затегнување на политиката, нивните напори да ја скротат инфлацијата имаат ризик да ја доведат глобалната економија во рецесија.

Истражувањето, кое доаѓа воочи COP27 во Египет и самитот на Г-20 во Индонезија подоцна овој месец, исто така покажа дека загриженоста за животната средина за прв пат по неколку години се на втор план, бидејќи светот се грижи за понепосредните социо-економски проблеми кои се движат од последиците од војната во Украина до криза на трошоците за живот.

Сајбер нападите, и покрај зголемените случаи на прекршување на податоците и заканите за безбедност базирани на технологија, беа меѓу најмалку цитираните ризици.