Qantas го објави најдолгиот директен авионски лет ќе трае 20 часа

Австралиската авиокомпанија Qantas најави нова линија од Сиднеј до Лондон, која ќе стане најдолгиот директен лет и ќе трае околу 20 часа.

Од Qantas истакнаа и дека на оваа релација ќе лета новата генерација на Airbus, во која ќе има помалку простор од нивните конкуренти и повеќе простор за патници. За таа цел нарачале 12 авиони „А350-1000“, кои ќе прелетаат 10.000 милји без полнење гориво.

Со нови авиони е најавена и линијата Сиднеј-Њујорк, што отвора можност австралиските градови да се поврзат со директни летови до каде било во светот.

Првите летови се планирани за крајот на 2025 година.

Авионите ќе имаат седишта за 238 патници во четири класи, од кои дури 40 отсто ќе бидат во луксузни премиум кабини.

Во 2018 година, австралискиот превозник воведе 17-часовен директен лет меѓу Лондон и Перт, за што го користеа „Боинг Дримлајнер“.

Во моментов, најдолгиот лет без застанување е помеѓу Њујорк и Сингапур, кој трае 18 часа и 50 минути, а авионите на Singapore Airlines минуваат повеќе од 9.500 милји на таа релација.