Првиот робот инфлуенсерка прави пари и ја следат 300 000 фанови

Поради големиот технолошки напредок, немојте да се изненадите ако се покаже дека еден од вашите омилени инфлуенсери на Инстаграм е всушност робот.

Пандемијата која го зафати целиот свет и ја ограничи активноста на „живите“ влијатели, ги принуди компаниите да користат робот-инфлуенсери за да ги промовираат своите производи на платформи како што е Инстаграм.

Една од нив е @imma.gram, која има повеќе од 300.000 следбеници на Инстаграм. Иако на прв поглед наликува на обична девојка, таа сепак е робот, што заработува вистински пари.

Таа е позната по неколку многу успешни соработки, како што е соработката со Порше, потоа луксузната модна марка Ферагамо. Покрај тоа, таа снима модни едиторијали и учествува во предизвиците на ТикТок.

Виртуелните влијатели имаа големо влијание на социјалните мрежи и пред и после пандемијата.

Според експертите, брендовите се очекува да трошат околу 15 милијарди долари годишно на т.н. инфлуенсер маркетинг до 2022 година, за разлика од ланските 8 милијарди долари.

Се повеќе и повеќе од тие пари припаѓаат на виртуелни влијатели, а традиционалниот маркетинг доживува сериозни нарушувања.

„Виртуелните влијатели, иако се лажни, имаат вистински деловен потенцијал. На долг рок, поевтино е да се работи со нив отколку со луѓе. „100 проценти од нив можат да се контролираат и можат да се појават на неколку места одеднаш, и што е најважно, тие никогаш не остаруваат и не умираат“, вели еден експерт за маркетинг.