Еве колкава била просечната плата за месец октомври

За месец октомври, просечната месечна нето-плата по вработен е 27.899 денари. Тоа е покачување за 8,4% во однос на истиот месец лани, за 2.173 денари. Дополнително, споредено со месец септември истата е повисока за 1,8 отсто, или за 494 денари, објави денеска Државниот завод за статистика.

Преземи го соопштението во целост

Може да се забележи дека има пад во петте најплатени професии, освен во ИТ-секторот, кој бележи пораст од 9,7 процентни поени во однос на истиот месец минатата година. Платата во секторот компјутерско програмирање, консултантски и сродни дејности изнесува 66.831 денари.

Според ДЗС, зголемувањето на просечната нето плата, се должи, на зголемувањето на просечната месечна исплатена нето-плата по вработен во секторите здравствената и социјалната заштита, потоа уметност, забава и рекреација и преработувачка индустрија.