Просечната плата зголемена за 477 денари: Во октомври – 45.943 денари

За еден месец просечната плата се зголемила за еден насто или за 477 денри. Во октомври е исплатена просечна месечна нето-плата од 45.943 денари, а септемвриската беше 45.466 денари. Нивото е зголемено за 9 насто на годишна основа.

Според Државниот завод за статистика, нагорното движење првенствено се должи на повисоките просечни исплатени нето-плати по вработен во три сектори: дејности на здравствена и социјална заштита за 13,3 прлценти; административни и помошни услужни дејности за 13,2 проценти; и дејности во врска со недвижен имот за 10,9 проценти.

Штоо се однесува до месечните промени, зголемување во октомври, а во однос на септември е регистрирано во дејности во врска со недвижен имот за 9,5 насто; информации и комуникации за 4,2 насто и во административни и помошни услужни дејности за 3,6 насто.

Во десеттиот месец од годинава, бруто-платата по вработен изнесува 69.089 денари.