Проекции на АЕК за 2025: Приходи и расходи од 9,3 милиони евра, за плати 3,6 милиони евра

Помал прилив на средства за 31,02 отсто предвидува за 2025 година Агенцијата за електронски комуникации. Приходите и расходите се на истото рамниште, односно колкав што ќе биде приливот, толкави ќе се и трошоците. Се смета на износ од 572.550.000 денари или 9,3 милиони евра. Најголемиот дел, околу 7,5 милиони евра ќе се остварат од надоместот за користење радиофреквенции. Кај трошоците највисок е планираниот расход за плати од 3,6 милиони евра.

Приходи од 460 милиони денари од надомест за користење радиофрекфенции, 57 милиони денари од надзор на пазарот на електронски комуникации, 53 милиони денари од надомест за користење на доделени броеви и серии броеви, се ставките на приходната страна наведени во Годишниот финансиски план за 2025, објавен на нивната веб-страница. Во овој дел се и приходите по основа на каматни листи и судски такси од 800 илјади денари, 500 илјади денара од продажба на расходувани основни средства, 350 илјади денари од камати на видување…

Кај трошоците се предвидени 222.255.060 денари за покривање на платите за вработените. Исто така во планираните расходи се и пренесени средства на други субјекти од 81. 537.534 денари, од кои најголемиот дел се за финансирање на дејности на оперативно-техничката агенција ОТА. Потоа за набавка на опрема – 45.421.291 денар, за интелектуални и други услуги – 34.154.000 денари, за помош, донации и други давачки – 31.733.000, за реклама, пропаганда и репрезентација – 4,9 милиони денари…

Во финансискиот план не се предвидени капитални средства.