Продажните цени на индустриските производи годишно намалени за 1,5 отсто

Продажните цени на производителите на индустриски производи на месечно ниво се повисоки за 0,5 насто, додека на годишна основа се пониски за 1,5 отсто, наведено е во последната информација од Државниот завод за статистика, во која се застапени податоците од март.

Месечно намалување од 0,1 отсто има кај продажните цени во секторот рударство и вадење на камен. Зголемување од 0,3 насто е забележано во преработувачката индустрија, а во секторот снабдување со електрична енергија, гас, пареа и климатизација за 5,6 проценти. Ценовни промени  во март, а споредено со февруари, единствено нема во секторот снабдување со вода; отстранување на вода, управување со отпад и дејности за санација на околината.

Статистиката вели дека во март, во однос на истиот месец лани, продажните цени на производителите на индустриски производи се пониски во секторот рударство и вадење на камен за 8,4 проценти. Повисоки се за 1,3 насто во преработувачката индустрија, во снабдување со електрична енергија, гас, пареа и климатизација за 0,1 и во снабдување со вода; отстранување на вода, управување со отпад и дејности за санација на околината – за 1,6 проценти.