Приливите од печалбарите лани се намалиле за една четвртина

Дознаките од странство, кои, како што на прес конференција укажа гувернерката на Народната банка, Анита Ангелоска Бежоска, претставуваат значаен извор на девизни приливи во нашата економија и во просек во преткризниот период изнесувале околу 15 проценти од БДП.  Минатата година имало пад за 24 проценти, а годинава се очекува постепено стабилизирање, но не и враќање на нивото пред кризата. 

Согласно со нашите очекувања, но и очекувањата на меѓународните финасиски институции во глобални рамки, нагласи Ангеловска Бежовска, дојде до пад односно забавување на приватните трансфери во услови на пандемијата.

-Секако тоа се случи и кај нас. Минатата година забележавме пад од околу 24 проценти на дознаките од нашите иселеници, а главните причини може да се лоцираат во два пункта – прво пандемијата која секако ги погодува синхронизирано сите економии, пазарите на труд, го намалува и расположливиот доход на нашите иселеници и оттаму можноста и капацитетот испраќање на дознаки и второ рестрикциите во делот на мобилноста, што е всушност видливо кога ќе се погледне самата структура приливите по основ на дознаките.  За оваа година по падот имаме постепено стабилизирање на износот на дознаките, но и  не очекуваме дека тие оваа година ќе се вратат на преткризното ниво, рече гувернерката одговарајќи на новинарското прашање од Pari.com.mk.