ПОСКАПАТА СТРУЈА ИМ СЕ ЗАКАНУВА СО БАНКРОТ на бугарските ресторани и хотелиери

На бугарските ресторани и хотелиери им се заканува банкрот поради поскапувањето на струјата во земјата, а претставници на оваа индустрија ја повикуваат владата во Софија на итна интервенција за да се зачува стабилноста на секторот.

Потпретседателот на Бугарската асоцијација на хотели и ресторани (БХРА) Атанас Димитров изјавил дека трошоците за струја сега се десет пати повисоки од претходно, пренесува порталот Новините.

Пред неодамнешните поскапувања, хотелот со околу 250 легла плаќал просечна сметка за струја од 10.000 бугарски лева или околу 5.122 евра, а сега се очекува сметката да биде меѓу 110.000 и 120.000 лева, односно меѓу 56.240 и 2,5 евра3.

Според експертите, причина за скокот на цените, покрај фактот дека ти се формираат на слободниот пазар, се повеќекратните поправки на далноводи одеднаш и големата потрошувачка поради жештините.

Димитров смета дека овие мерки нема веднаш да влијаат на резервациите на гости, но предложи бугарската влада да размисли за ограничување на цената на струјата и државна поддршка за целиот сектор.

Многу ресторани и хотелиери во Бугарија се подготвуваат за протести кои би можеле да се одржат во некои региони за неколку дена, предупреди Димитров, пренесува Танјуг.

Поради итноста на проблемот, бугарската Влада почна разговори со претставицните на секторот на хотелиерство и угостителски услуги во врска со барањето на хотелиерите и рестораните за паричен надоместок. Самите работодавачи ќе бидат сослушани во комисијата за да наведат точно какви сметки платиле во последните 2 месеци.