„ПЕТ ПРИЧИНИ ЗОШТО НЕ УСПЕА БИЗНИСОТ СО КАНАБИС – И ЗОШТО ТРЕБА ВТОРА ШАНСА“ – Душан Пецовски (Реплек) во „Каде се парите?“

Македонија имаше сериозна шанса да биде регионален центар за медицински канабис – но планот и намерата пропаднаа. Зошто шансата за добар бизнис и економски развој на Македонија не се искористи, објасни Душан Пецовски, првиот човек на „Реплек“ кој гостува во поткастот „Каде се парите?“. За неуспехот има пет причини. Првата е за да имате државна стратегија за медицински канабис, покрај желба треба да има и идентификувано јасни чекори како да се стигне до една таква приказна. Потоа, постои неконзистентност во самиот Закон за медицински канабис и домашниот пазар треба да биде прв пробивен пазар. Потоа, паралелно на целата приказна се создаде еден паралелен црн пазар, а недостасуваше и политичка волја да се оди до крај. Како пета точка, Пецовски ја издвои лошата стандардизација на компаниите во Македонија. Тој смета дека постои огромен потенцијал, но само ако државата на индустријата и дадат втора шанса.

„Дали треба да му се даде втора шанса? Мислам дека треба да му се даде втора шанса на целиот проект. Медицинскиот канабис моментално во светот, тој бизнис е околу 22 милијарди евра. До 2035 година се очекува да достигне  200 милијарди евра, односно во превод годишниот раст на овој бизнис во светски рамки е околу 22 проценти. Кога ги гледате тие бројки, дефинитивно ни кажува дека овде има сериозна приказна и перспектива.“

Притиснете „Subscribe“ и следете нè