Пет години деловно успешни компании од Македонија

Таргет Груп, истакната бонитетна куќа од Македонија, петта година по ред доделува „Признание за Извонредна Деловна Успешност на Македонски Компании“. Ова претставува официјално признание за успешните и добро управувани компании во Македонија кои ги исполнуваат строгите критериуми за бонитетна успешност за изминатата 2022 година.

„Сертификатот за Деловна Успешност“ (Certificate of Excellence) оваа година можат да го активираат приближно 1.500 компании што претставува околу 2% од вкупниот број на правни лица во државата.

Овој проект има за цел да ги открива, признае и награди компаниите кои истакнуваат извонредна деловна успешност и постигнувања во Македонија.

Од Таргет Груп истакнуваат: „Ние веруваме дека признанието за извонредна деловна успешност не само што ќе го награди напорот и постојаноста на компаниите, туку и ќе ги инспирира другите да стремат кон високи стандарди на деловна извонредност.“

Со добивањето на „Сертификат за Деловна Успешност“, компаниите имаат можност да уживаат во неколку привилегии. Одлично оформените дигитални беџови, персонализирани сертификати во електронска форма, урамен сертификат за препознатливност и бонитетни извештаи за компаниите од Македонија, Србија, Хрватска, Црна Гора, Словенија и Бугарија, само се дел од нивните привилегии. Дополнително, носителите на признанието ќе имаат можност за бесплатен пристап до основниот пакет на платформата БизнисМрежа.мк.

На сите македонски компании, нивните менаџерски тимови како и на сите нивни вработени, носители на Сертификатот за Деловна Успешност за 2023 година им го честитаме овој извонреден деловен успех и посакуваме секоја година се поголем број бонитетно успешни компании да се приклучуваат кон оваа листа.