Пари за плати ќе има

Пари за плати ќе има и во новиот пакет мерки.

Премиерот Зоран Заев најави дека деталите се утврдуваат, но петтиот пакет мерки ќе даде можност на фирмите да одберат дали ќе земат субвенција за да исплатат плата како досега. Тие ќе можат да земат бескаматен кредит кој делумно ќе стане неповратен доколку фирмата успешно работи.

Преговорите со засегнатите за новиот сет мерки се уште се во тек. Премиерот очекува дека викендов тој ќе биде финализиран. Петтиот пакет ќе содржи уште петнаесетина мерки за помош на фирмите. Тој ќе тежи околу 50 милиони евра кои се додаваат на сумата од 1,1 милијарда, пари кои Владата минатата година ги потроши за излез од кризата. Од повеќе сектори изминатиот период побараа субвенции на плати.