Паладиумот станува најскап метал

На пазарот на метали доминира паладиум, кој зајакна 0,6 проценти. Металот во моментов вреди 2.415,25 американски долари, а со тоа ја надмина цената на златото и другите метали. Цената на среброто падна за 0,4 проценти на 25 долари за унца, а платината исто така падна за 0,4 проценти на 869,70 долари.

Паладиумот, заедно со златото и среброто, се смета како еден од племенитите метали и е во широка употреба во индустријата.

Металите од оваа група (PGM) се група од шест метали: рутениум, родиум, паладиум, осмиум, иридиум и платина. Тие имаат слични физички и хемиски својства и имаат тенденција да се појавуваат заедно во истите минерални наоѓалишта.

Според достапните податоци, минатата година од рудниците во светот биле извлечени помалку од 300 тони паладиум. Освен во автомобилската индустрија, паладиумот се користи во производството на накит, електроника, градежната метална индустрија, но и во медицината за производство на забни пломби и хируршка опрема.

Побарувачката на скапоцените метали е предизвикана не само од нивната практична употреба, туку исто така и од нивната улога како инвестиции и артикли од вредност.