Откриена инвестициска измама вредна над 200 милиони американски долари

Британската канцеларија за спречување измами (СФО) во средата објави дека едно лице е уапсено во истрагата за инвестициската шема од 150 милиони фунти (205 милиони долари), чии жртви биле илјадници луѓе од 50 земји.

СФО соопшти дека спроведува истрага за група компании Алфа и Грин Парк под сомнение за перење пари и измама. Двајцата директори, кои ветија годишен поврат од 8-10% од инвестицијата во студентско сместување и паркови за одмор, можеа да заработат околу 20 милиони фунти во оваа измама, пишува Ројтерс.

Но, измамените инвеститори престанаа да добиваат „гарантирани приноси“ во 2018 година, се вели во соопштението на СФО.

Агенцијата за измама соопшти дека по шестмесечна истрага, спроведе серија координирани рации, интервјуа и задолжителни барања за докази и дека се сомнева дека инвеститорите биле измамени.