Бектеши:Од утре ќе преговараме за влез во Грција на наши туристи со ковид пасош или ПЦР тест

Министерот за економија Крешник Бектеши на денешната прес-конференција ретерираше од првичната најава за развивање на домашен туризам наместо преговори со Грција за влез. Тој најави дека од утре Македонија ќе започне со преговорите со сите свои соседи за протокот на туристи за време на летната сезона и меѓусебното признавање на ковид-пасошите.

Според Бектеши, условите се исполнети за тоа со започнувањето на масовната имунизација денеска во Македонија.

„Од утре сите институции ќе стапат во преговори со сите наши соседи за признавање на ПЦР-тестовите и тестовите за антитела. Што се однесува до мојот коментар за домашните туристи, стратегијата на Владата го обврзува Министерството за економија да го поттикнува и да се направат програми за негова поддршка

Заедно со поддршка од Министерството за здравство и Министерството за надворешни работи, реков кога ќе започне имунизацијата, ние истовремено ќе ги започнеме преговорите за заемно признавање на ковид-пасошите“, рече министерот.

Сепак Бектеши рече дека прво Министерството за здравство треба да ги даде насоките, а потоа неговиот ресор ќе се надоврзе со потребните билатерални преговори за туристичката сезона.