Од Охридскиот аеродром има само 2 авиолинии, од јуни ќе летаат повеќе

Бројот на летови на двата аеродрома Скопскиот и Охридскиот за првите три месеци заедно е намален за 44% споредено со минатата година.

Во рамки на летниот ред на летање за 2021 година (март-октомври), 44 дестинации со 11 авиокомпании се најавени од скопскиот аеродром, додека од охридскиот аеродром иако во моментов има само 2 авиолинии, од крајот на јуни се очекуваат 13 редовни дестинации и 6 сезонски чартер летови.

Меѓутоа, ТАВ Македонија, апелира, до сите патници, дека постои можност за измени во честотата на летовите до најавените дестинации, како и евентуални откажувања на летовите до некои од дестинациите, поради екстремната неизвесност што постои во воздухопловната индустрија, што е пак резултат на брзите промени во политиките на различни држави за влез на нивно тло, поради КОВИД-19.