ОД МАРТ 2025 ЕУ ќе ги укине одмаздничките царини за американските производи

Европската унија ќе ги прекине царините за американските стоки до крајот на март 2025 година, кои Брисел ги воведе како одговор на тарифите на Вашингтон за челик и алуминиум од ЕУ. Оваа информација во вторникот беше објавена на официјалната веб-страница на Унијата, пренесува Танјуг, повикувајќи се на Ројтерс.

Брисел одлучи да се воздржи од тарифи врз основа на договорот со САД во кој Вашингтон вети дека ќе ги суспендира и сопствените царини од 25 отсто за европскиот челик и давачките од 10 отсто за алуминиумот од ЕУ.

Американските царини за челик и алуминиум од ЕУ беа воведени во 2018 година од страна на поранешниот американски претседател Доналд Трамп.

Вашингтон претходно се согласи да ги суспендира своите царини за европскиот челик и алуминиум на две години, почнувајќи од јануари 2022 година, и да ги замени со квоти.

Системот на квоти во САД дозволува увоз до 3,3 милиони тони челик од ЕУ и 384.000 тони алуминиум во САД без царина, додека дополнителните количини подлежат на царини.

Европската комисија се пожали дека системот на квоти во САД е ригиден, но овој спор ќе го решат политичарите кои ќе бидат на власт по изборите во ЕУ и во САД.