Од денес летови од Охрид до Братислава, од 29 март и до Милано

Аеродромот „Св. Апостол Павле крај Охрид од денес е поврзан со уште една европска дестинација. Воспоставен е директен лет до главниот град на Словачка, Братислава. А, веќе од 29 март во функција ќе биде авиолинијата Охрид-Милано, објави министерот за транспорт Александар Николоски.

„Овие авиолинии значат нови туристи во Охрид и повеќе можности за зајакнување на економијата.

Развојот на авиосообраќајот претставува еден од врвните приоритети на Владата и Министерството за транспорт. Преку конкретни политики и мерки, континуирано работиме на унапредување на цивилниот авиосообраќај, со што овозможивме значително проширување на мрежата на дестинации.

Остануваме силно посветена на унапредување на авиосообраќајот заради развојот и поврзување на Македонија со големите центри“, порача Николоски преку статусот на Фејсбук.