Од 2024 ќе се вози по автопатот Кичево-Охрид-Владата го утврди новиот рок за изградба
1 мин читање1896 прегледи
Владата на денешната седница усвоила Информација со која се утврдува дека 31. 12. 2023 година е рокот за завршување на работите за изградба на автопатот, делница Кичево – Охрид.
-На денешната седница е разгледана и усвоена Информацијата врз основа на која Владата го прифати текстот на Анекс бр. 5 кон Договорот за изградба на автопат, делница Кичево – Охрид помеѓу Јавното претпријатие за државни патишта и Sinohydro Corporation Limited, според кој се утврдува рокот за завршување на работите на оваа делница на 31.12.2023 година, без никакви дополнителни финансиски импликации по Буџетот на Република Македонија, се наведува во соопштението од владината прес-служба.