Обемот на продажбата на Renault во првото полугодие опадна за 30% по излегувањето од Русија

Францускиот производител на автомобили Renault денес објави пад на продажбата на возила во првата половина на 2022 година, откако ги затвори активностите во Русија, нејзиниот втор по големина пазар, како последица на инвазијата на Украина. Групацијата соопшти дека нејзината светска продажба паднала за 29,7% од минатата година на нешто повеќе од еден милион возила (1.000.199 единици). Без активностите на Автоваз и Рено Русија, бројот на продадени единици е намален за 12% на годишно ниво.

Renault, кој произведува популарни модели како Dacia Duster и Renault Clio, ги затвори своите активности во Русија поради конфликтот во Украина и соопшти дека ќе го продаде Renault Russia и речиси 67,69% од акциите во Avtovaz.

Францускиот производител на возила го продолжи својот бизнис во Русија уште два месеца по руската инвазија во Украина, но потоа, во мај, соопшти дека ќе го продаде Avtovaz, најголемиот руски производител на автомобили и сопственик на брендот Lada, на руски научен институт, наводно за само една рубља со шестгодишна опција за негово откупување.

Освен влијанието на излегувањето на Русија, француската групација го наведе „контекстот нарушен од кризата со полупроводниците“.