НЛБ Банка од 21-ви април ќе започне со исплата на субвенции од тутун

НЛБ Банка АД Скопје ги информира своите клиенти дека од 21.04.2020 година ќе започне со исплата на субвенции од тутун.

Со цел намалување на гужвите во експозитурите и воспоставување на ред за исплата,  креиран е распоред за исплата на субвенциите во експозитурите на Банката. Распоредот е направен по азбучен редослед, според првата буква од презимето на корисниците и тоа:

• На 21.04.2020 (вторник) ќе се исплаќаат клиенти со презиме на буквите од А до Д
• На 22.04.2020 (среда) ќе се исплаќаат клиенти со презиме на буквите од Ѓ до К
• На 23.04.2020 (четврток) ќе се исплаќаат клиенти со презиме на буквите од Л до Р
• На 24.04.2020 (петок) ќе се исплаќаат клиенти со презиме на буквите од С до Ш

Со цел заштита на здравјетo, од Банката апелираат до клиентите да не подигнуваат готовина и средствата првенствено да ги користат безготовински, за плаќања во продажната мрежа или преку електронско и мобилно банкарство.

Доколку клиентите имаат потреба од готовина, од НЛБ Банка препорачуваат исплатата да се изврши на банкомат, каде средствата ќе бидат достапни од 20.04 – понеделник, по 16 часот и истите ќе може да се подигнат во секое време, независно од дефинираниот распоред.

Во случај да мора да посетите експозитура, задолжително е да се почитуваат сите превентивни мерки на Банката! Чекајте ред на обележаните места и одржувајте растојание со другите од најмалку 2м!