Николетопулос и натаму ќе го предводи тимот на Стопанска банка Скопје

Диомидис Николетопулос останува на челната позиција ја Стопанска банка Скопје. Согласност за негово повторно именување на функцијата генерален извршен директор и претседател на Управниот одбор на најстарата домашна банка е дадена од гувернерката на Народната банка.

Николетопулос успешно раководи со Стопанска банка Скопје од 2013 година, а зад себе има 15-годишен стаж во оваа институција, при што бил и генерален директор за банкарство на мало, финансиски и оперативни активности.

За тоа како работи оваа банка, кажуваат резултатите, особено во делот на кредитирањето. Минатата година скопската Стопанска банка од каматите заработи над 93 милиони евра, а добивката изнесуваше 56,4 милиони евра. По таа линија продолжи и годинава. За шест месеци направи профит од 28,9 милиони евра. Во основата на успехот се нето-приходите од камати, зголемени за 18 проценти и со износ поголем од 50 милиони евра. Инаку, кредитната поддршка што ја обезбедува Стопанска банка Скопје (состојба од 30 јуни) е 1,5 милијарди евра, а располага со депозити од 1,65 милијарди евра.

СТОПАНСКА БАНКА ја „ШИЕ“ КОНКУРЕНЦИЈАТА СО ПРИЛИВИТЕ ОД КАМАТИ – за шест месеци 55,8 милиони евра