Никој не може да го уништи биткоинот

Невозможно е било кој ентитет да го уништи биткоинот и блокчејн технологијата на која тој се темели, па затоа владите и регулаторите треба да ја прифатат блокчејн технологијата и крипто валутите, наведе Чангпенг Зхао, кој е извршен директор на Бинанс.

“Мислам дека никој не може сега да го исклучи, со оглед на тоа што оваа технологија, овој концепт е во мислите на 500 милиони луѓе”, рече Зхао во претходно снименото интервју прикажано за време на виртуелната конференција CoinDesk Consensus 2021.

Сузбивање на биткоинот и на другите криптовалути би било слично доколку би се одбил бизнис моделот на Амазон, кој сега е гигант за е-трговија и првпат започнал со работа во раните 90-ти, според Зхао. Крипто-валутите не се тука за да ги победат традиционалните финансии или фиат-валутите поддржани од владата, туку за да обезбедат поголема „слобода на пари“.

Криптовалутата е „само нова алатка што може да ја зголеми слободата на пари низ целиот свет“, му рече Зхао на советникот за CoinDes, Нолан Бауерле.

Бинанс беше под силен регулаторен притисок во последните неколку недели.

Зхао рече дека неговата компанија нема намера да се бори против која било влада или земја, додавајќи дека сомнежите за начинот на работа на Бинанс произлегуваат од фактот дека недостасува јасна регулација.