Нетрговски трансферирани 1.621 акција, најмногу на „Макошпед“

Со 1.621 акција минаа минатонеделните нетрговски трансфери. Бројка којашто би била дневна во седмиците кога на големо се подаруваат хартии од вредност. Според последната статистика, состојбата е „извадена“ минатиот четврток, кога овој процес го минале 955 акции.

Понеделнички, мразот е скршен со 279 акции на „Македонски Телеком“, покажуваат податоците од Централниот депозитар за хартии од вредност што се објавуваат на Македонска берза. А, како последен пренос е забележан тој со акциите на „Макошпед“, 619 на број.

На двапати се изведен нетрговски трансфери со обичните акции издадени од две компании. На „Аутомакедонија“ АД Скопје, вкупно 22 – прво 13, потоа уште девет акции. Како и на „Фустеларко Борец“ АД Битола – 117, па 236, или сѐ на сѐ 353 обични акции.

На прагот од 100 се подарените или наследени хартии од вредност на ТТК Банка. А над тоа се на „Алкалоид“, 180 обични акции.

Во минатонеделната статистика се заведени и нетрговските преноси на 42 акции на „Пелистерка“ и 13 на „Македонија осигурување АД Скопје – Виена Иншуренс Груп“.

Петок е единствениот ден во кој немало ниеден трансфер.