НАРОДНАТА БАНКА НА СРБИЈА ДОБИЛА ПРЕДУПРЕДУВАЊЕ поради можни секундарни санкции поради НИС

Гувернерката на НБС, Јоргованка Табаковиќ, изјави дека Централната банка на Србија добила предупредување за можноста за воведување на таканаречените секундарни санкции поради НИС.

Табаковиќ рече дека предупредувањето за можноста за воведување на секундарни санкции е „сериозна закана“ и дека тие го сфаќаат тоа предупредување многу сериозно.

Таа додаде дека Централната банка на Србија не добила попрецизно објаснување за тоа што точно би значеле тие секундарни санкции.

„Самиот поим за санкции не звучи добро. Се надевам дека нема да има такви санкции бидејќи тоа би значело блокирање на сите плаќања“, нагласи Табаковиќ.

„За нас, доволно е да се каже дека можеме да потпаднеме под секундарни санкции. Јас доживеав санкции во 1992 година и ги преживеавме, но со оглед на последиците што ги трпиме и денес, го сфаќаме предупредувањето многу сериозно“, рече Табаковиќ.

Таа потсети дека поради санкциите во 1992 година, било невозможно да се плати преку странски дописнички банки, па затоа компаниите што имале претставништва во светот биле регистрирани на своите менаџери за да може да се набавува нафта и лекови, а по укинувањето, тие луѓе го задржале тој имот во своја сопственост.

Гувернерката на НБС истакна дека се надева дека ова сценарио нема да се повтори.