Народна банка: До 11 септември пријавување трудови за 48. сесија на Клубот на истражувачите

Народната банка ги повикува заинтересираните да пријават свои трудови за учество на 48. сесија на Клубот на истражувачите. Трудовите треба да се изработени согласно трендовите и стандардите на современите истражувања, што подразбира емпириска анализа, како и систематизирани заклучоци.

Настанот ќе се одржи на 21 септември (четврток), со почеток во 14:00 часот, во просториите на Народната банка. Заинтересираните истражувачи може да се пријават со доставување на материјалот на е-адресата: info@nbrm.mk, најдоцна до 11 септември (понеделник).

На сесиите на Клубот како платформа за дискусија и размена на стручни мислења, може да се презентираат резултати и сознанија и од истражување/труд во работна верзија.

Клубот на истражувачите на Народната банка е отворена платформа за презентација и дискусија на научноистражувачки трудови, особено во доменот на монетарната политика и макроекономијата.

Зачленувањето во Клубот на истражувачите е од отворен карактер.