Најголем пад на доларот по две и пол години

Курсот на доларот падна во понеделникот и е најнизок во последните 2,5 години наспроти шестте најважни валути во светот ,и е на пат да оствари најголема месечна загуба од јули

Индексот на доларот, кој ја покажува вредноста на доларот во однос на другите шест најважни светски валути, изутрината се наоѓаше на 91,66 поени, останувајќи најнизок во последните 2,5 години. Падна за 0,14 проценти во споредба со цената по која се тргуваше вчера, а од почетокот на ноември ослабе за околу 2,5 проценти и е на пат кон најголемата месечна загуба од јули.

Курсот на еврото достигна ново највисоко тримесечно ниво од 1,1984 американски долари, што е скоро 0,2% повеќе од цената по која се тргуваше во петокот. Инвеститорите внимателно го следат неговото клучно ниво од 1,20 долари, откако од Европската централна банка (ЕЦБ) на почетокот на оваа година сигнализираа дека внимателно го следат движењето на еврото во однос на доларот.

Во ноември, ситуацијата на глобалните пазари нагло се подобри, предизвикувајќи ослабување на доларот, додека поризичните валути зајакнаа бидејќи инвеститорите почнаа да се однесуваат поризично по победата на Џо Бајден на претседателските избори во САД и објавувањето на низа вести за напредокот во пронаоѓањето на вакцина за ковид-19. Кои се очекува да влијаат со фискален стимул во САД.

Азијците и валутите што ги следат движењата на цените на суровините на светскиот пазар се поддржани од подобрата економска клима во Кина, која води кон глобално закрепнување од шоковите предизвикани од Ковид-19.

Во исто време, британската фунта зајакна 0,12 отсто, на 1,3330 американски долари и е стабилна во однос на еврото, со цена од 89,83 пени за евро. Инвеститорите за понатамошните чекори внимателно ги следат вестите поврзани со преговорите меѓу Велика Британија и ЕУ за идните односи по Брегзит.