Прво здравје, па сѐ друго… е можеби најприсутната реченица што се слуша и во секојдневната комуникација и во разни весели, па и тажни пригоди. И покрај честата употреба не е обична фраза, туку голема вистина поткрепена со фактот – ниту најголемото богатство не е доволно за да го спаси животот на човек со тешко нарушено здравје. Од каде што произлегува и добро познатото – подобро да се спречи, отколку да се лечи.
По таа логика веројатно се раководат и македонските граѓани. Превентивно или за лекување, минатата година потрошиле околу 193 милиони евра. И тоа, само во десетте најголеми аптекарски компании во државата, што значи дека во зачувувањето на доброто здравје се вложени уште повеќе пари. Но, и оваа сума укажува на значајна потрошувачка насочена кон здравствените производи и услуги, лековите, додатоците во исхраната, козметика, органска храна, медицински помагала…
Анализата на порталот Пари, во која се користени податоците од БизнисМрежа, опфаќа 10 аптекарски фирми, кои се на врвот според приходот и добивката. Споредбата е направена со резултатите од претходната 2023 година, и ги покажува трендовите и перформансите во една од најдинамичните ма…
