На пумпите во Британија снема гориво поради панично купување, Џонсон размислува и за ангажирање на армијата

Илјадници бензински пумпи во Велика Британија немаа гориво во текот на викендот, а возачите формираа долги редици поради недостаток предизвикан од недоволен број возачи на камиони.

Здружението на продавачи на бензин, кое застапува речиси 5.500 независни продажни места, соопшти дека 50 до 90 од нејзините членови пријавиле распродажба на гориво, а останатите наскоро ќе останат без бензин, бидејќи Британците ги фати паника да наполнат гориво викендов.

„Бритиш петролеум“ призна дека два вида гориво снемало на една третина од нивните бензински пумпи.

Премиерот на Обединетото Кралство, Борис Џoнсон, изјави дека стотици војници можат да бидат ангажирани за снабдување на бензински пумпи со гориво низ целата земја.

Се очекува Џoнсон денеска да собере министри со цел да се најде решение и да се избегне понатамошно продлабочување на кризата, објави Гардијан.

Проблемот настана кога Бритиш Петролеум мораше да затвори мал број продажни места поради недостаток на возачи, а Шел и Еко исто така пријавија проблеми со акциите.

Проблемот не е поради недостаток на гориво, туку поради недостаток на возачи на камиони за транспорт на стока до бензинските пумпи, со што се соочува Велика Британија во последно време.

Претставниците на транспортната индустрија наведуваат дека, заедно со недостатокот на возачи на камиони, причината за кризата и пандемијата е старата работна сила и егзодусот на странските работници по излегувањето на Британија од Европската унија.