Москва поставува нови контроли на странците кои тргуваат со руски акции и недвижнини

Русија постави нови строги правила за странците кои бараат дозволи да купуваат и продаваат руски хартии од вредност и недвижен имот, покажа белешката на клиентот од Citigroup, додека се појавуваат детали за новите државни контроли на инвестициите како одговор на западните санкции, објави Ројтерс.

Русија привремено ги спречува странците да се откажуваат од руски средства и недвижнини, велејќи дека сака да се осигура дека одлуките се разгледуваат и не се водени од политички притисок, откако санкциите се интензивираа по инвазијата на Москва на Украина. Фондовите со изложеност од десетици милијарди долари кон Русија чекаат детали за новите ограничувања со кои ќе се соочат додека се обидуваат да ги растовараат средствата. Инвазијата, која Москва ја нарекува „специјална воена операција“, предизвика егзодус на меѓународни фирми и во голема мера ја отсече руската економија од остатокот од светот.

Руските власти го објавија Декретот 81 овој месец, кој предвидува дека за секоја трансакција меѓу Руси и странските договорни страни потребна е дозвола од руската владина комисија за контрола на странски инвестиции. Тоа практично значи дека странските инвеститори, кои купиле руски акции и обврзници без ограничувања, сега остануваат заглавени со купените средства додека руската економијата, од некогаш примамлива инвестициска дестинација богата со нафта, стана дестинација со жестоки финансиски ризици.

Русија сега ги изложи деталите за процесот на аплицирање за странци кои сакаат да тргуваат со средства и кои ќе го ограничат тргувањето на оние што се одобрени, се вели во белешката на Ситигруп.

Процесот бара од странските инвеститори кои сакаат да купуваат и продаваат руски средства да дадат детални информации однапред за да добијат дозвола за трговија. „Руските власти ја објавија наредбата за добивање дозволи за извршување на операции утврдени со уредбата 81. Формирано е овластено тело овластено да донесува одлуки за издавање дозволи“, се вели во меморандумот.

Во него се вели дека апликацијата и сродните документи мора да се достават до руското Министерство за финансии, на руски јазик, кои содржат „информации за целта, предметот, содржината и суштинските услови на трансакцијата“. Апликантите, исто така, мора да откријат целосни информации за корисниците и вистинските сопственици, се вели во меморандумот.

„Тоа е механизам на контрола“, за Ројтерс ги појасни правилата еден банкарски извор. „Ова е само механизам за контрола на кои субјекти можат да вршат трансакции со странски валути и дека не се работи за компании од непријателски земји кои ја напуштаат земјата“.

Ситигруп одби да коментира освен што ја потврди автентичноста на веста.