Нина Ангеловска гордо објави: „МојДДВ веќе брои над 315.000 корисници – Барајте и скенирајте фискални сметки”

„МојДДВ веќе брои над 315.000 корисници”, објави министерката за финансии Нина Ангеловска на својот фејсбук профил, притоа додавајќи: „Барајте ги вашите сметки и скенирајте ги – не само затоа што остварувате право на поврат и може да добиете некоја од дневните и месечни награди туку и поради тоа што учествувате во борбата против сивата економија, против затајувачите”.

Барајте ги и скенирајте ги вашите сметки затоа што:

Со неиздавање на сметка вашите 5 или 18% продавачот ги зема за себе, наместо да бидат употребени за доброто на сите!

И трговецот кој не го уплаќа вашиот ДДВ во буџетот го користи здравствениот и образовниот систем.

Со неиздавање на сметка продавчот прави нелојална конкуренција на чесните продавачи кои си го плаќаат данокот!

 Со последните измени како одговор на Kовид предизвиците беа направени промени во МојДДВ и #МојаНаграда

Секој ден по случаен избор се доделуваат 20 награди x 1000 денари и секој месец 15 награди x 20.000 ден.

 Повратот на ДДВ за македонски производи сега изнесува 20% и 10% за останатите.

„Причина плус да ги одбереме домашните производи кога купуваме и со тоа да им помогнеме на домашните компании и македонската економија и причина плус да ги бараме секогаш и секаде нашите сметки и да го јакнеме даночниот морал. Сите можеме да придонесеме! Сега повеќе од било кога мораме да ја зајкнеме борбата со сивата економија која е штетна за нашата економија, за нашето општество.”, напиша министерката.