Мобилните даночни шалтери месецов во Облешево, Ранковце, Македонска Каменица и Карбинци

Локалните бизниси и граѓаните и во текот на овој месец ќе можат да ги користат услугите на мобилните даночни шалтери.

Овој пат четирите возила од Управата за јавни приходи ќе се упатат кон: Облешево во четврток – шести јули, Ранковце 26 јули (среда), Македонска Каменица 28 јули (петок) и Карбинци на 31 јули (понеделник). Ова е можност граѓаните и фирмите да ги добијат даночни услуги и информации преку мобилните шалтери, да ги достават даночни пријави и барања, да ги подигнат документите што ги издава УЈП. Притоа, без да го напуштат местото во кое живеат и работат. Мобилните шалтери ќе бидат лоцирани пред општинските згради, а со странки ќе работат во периодот од 10 до 15 часот.

Ова е редовна месечна практика на даночниците, кои со специјално опремени комбиња ги посетуваат населените места во кои Управата нема постојани канцеларии, како и локации кои дополнително можат да се утврдат во соработка со општините и потребите на локалното населиние и бизниси.