Министерството за здравство и додели благодарница на Стопанска банка АД – Скопје

Од почетокот на пандемијата, Стопанска банка АД – Скопје одговорно делува преку бројни активности за заштита на здравјето на вработените, клиентите и на пошироката заедница.

Банката инвестира во едукација, во подобрување на хигиената, вложува во опрема за заштита на работното место и во достапноста преку 24/7 дигиталните канали и услуги.

Дополнително, во повеќе наврати Стопанска банка АД – Скопје донираше вредна опрема во клиничките центри и институциите кои се грижат за здравјето на граѓаните.

Токму поради целата таа посветеност за брзо и полесно надминување на корона кризата, Министерството за здравство и додели благодарница на Стопанска банка АД – Скопје за придонесот и ангажманот при справување со пандемијата предизвикана од коронавирусот Ковид-19.

„Благодарноста која ја имаме за здравствените работници е огромна и се радуваме доколку успеавме да им бидеме од помош во оваа битка со коронавирусот.”, велат од Стопанска банка АД – Скопје.

Битката е заедничка и секој од нас мора да продолжи да ги применува трите најосновни правила за заштита:
– одржување на соодветно растојание
– користење на маска/марама и
– често миење на рацете