Мермерен комбинат: Од акумулираната добивка – за дивиденда над 19 милиони евра

Дивиденда од 1.170.261.574 денари или повеќе од 19 милиони евра ќе поделат акционерите на прилепскиот Мермерен комбинат. Средствата се од акумулираната добивка остварена до 31 декември 2022 година, а одлуката за распределување е донесена на вчера одржаното Собрание на акционери.

Износот на бруто-дивидендата по акција е 4,06 евра по курс од 61,50 денари, пишува во известувањето од Комбинатот, објавено на Македоска берза.

Последниот ден за тргување со право на дивиденда е 21 декември, а прв ден за тргување без тоа право е 22 декември.

Датумот за евиденција на акционерито кои имаат право на дивиденда е 25, а исплата ќе почне на 26 месецов.

Минатиот месец прилепскиот Мермерен комбинат заврши со процесот на преземање и официјално е во сопственост на грчки „Павлидис“.

Во деветте месеци од работењето остварил нето-добивка од 9,3 милиони евра.