Мерцедес-Бенц предвидува дека во рок од неколку години ќе се произведуваат само електрични возила

Мерцедес-Бенц очекува до втората половина на оваа деценија во неговите фабрики да се произведуваат исклучиво електрични возила, но нема да гради нови погони само за ЕВ, туку ќе ги одржува производните линии флексибилни во согласност со побарувачката на пазарот.

Познатиот германски производител на автомобили планира некои од неговите производни линии во фабриките да се префрлат целосно на производство на електрични возила уште порано, изјави шефот на производството Јоерг Бурцер во интервју за Ројтерс.

„Изградбата на цела нова фабрика за електрични возила за батерии бара време. Ние имаме друг пристап“, рече Бурцер. „Сигурно е дека во следниве неколку години ќе имаме некои линии кои ќе произведуваат само електрични возила, а планираме и цели фабрики кои се префрлаат на ЕВ – но, тоа е тема за втората половина на деценијата.

Производителот на премиум автомобили ќе започне со производство на својот модел EQE, откриен минатиот септември на саемот IAA Mobility, во Бремен подоцна оваа година, по што ќе следат Пекинг и Тускалоса.

Мерцедес типува на моделот, кој е електрична адаптација на Е-класата со врвен досег од 660 km, за да ја зголеми продажбата на електрични возила бидејќи ги префрла инвестициите од возилата со внатрешно согорување и кон производствени платформи само со електрична енергија.

„Со засилувањето на EQE во Бремен, а подоцна и во Пекинг, доаѓаме во сегмент каде што можеме да испорачаме многу поголеми количини“, рече Бурцер.

Само 2,3% од продажбата на автомобилите на Мерцедес-Бенц минатата година беа возила на батерии, што се зголеми на 11% вклучувајќи ги и plug-in хибридите, кои имаат и мотор и батерија.

Почнувајќи од 2025 година, компанијата очекува дека електричните и хибридните електрични автомобили ќе сочинуваат 50% од продажбата, а поголемиот дел од тоа се очекува да бидат целосно електрични автомобили. Сите постојни модели се градат во фабрики кои, исто така, произведуваат возила со мотори со внатрешно согорување, а батериите се транспортираат со железница од главната фабрика во Синделфинген до погоните во Германија и Унгарија.

Со тек на време, како што напредува производството на електрични возила, склопувањето и производството на батерии би можело да се прави поблиску до погоните за автомобили, најави претставникот на Мерцедес-Бенц.