„МЕНТАЛИТЕТОТ НЕ ДОЗВОЛУВА ДА РАСТЕ БИЗНИСОТ“ – Душан Пецовски (Реплек) во „Каде се парите?“

Македонските компании имаат квалитет, цена и знаење – но ретко кој се осмелува да излезе надвор од регионалната зона на удобност. Душан Пецовски, првиот човек на „Реплек“ во поткастот „Каде се парите?“ објаснува дека нашата најголема пречка не е пазарот, конкуренцијата или капиталот – туку менталниот склоп на бизнисмените. Желбата да се игра „на сигурно“ не дозволува вистински и поголем раст.

„Тука постојат и други потенцијали кои што сериозно треба македонските компании да ги размислуваат. Зошто го кажувам ова? Лично јас пола од мојот живот сум го поминал надвор и одговорно тврдам дека македонските компании во ниту еден сегмент не заостануваат во однос на странските компании…. Има само една бариера, таа е онаа менталната бариера која што сами се ја задаваме и токму ова што го зборуваме. Треба да размислуваме пошироко, да се отвориме и да се охрабриме, да размислуваме на нешто кое што не сме го ни помислиле до сега. Пример, тоа се земјите од поранешниот Советски Сојуз. Убаво кажавте, азиските тигри во југоисточна Азија се најбрзо растечкиот регион во светот. Греота е тоа да се пропусти.“

Притиснете „Subscribe“ и следете нè