Санел Кустурица нов член на Управниот одбор на Шпаркасе банка

За нов член на Управниот одбор на Шпаркасе Банка Македонија АД Скопје е назначен Санел Кустурица. Како член на Управниот одбор, Санел Кустурица ќе биде надлежен за активностите поврзани со работа со корпоративни клиенти и управување со имот и безбедност.

Својата импресивна банкарска кариера ја започнува во 1999 година како дел од Микро Ентерпрајз Банка АД Сараево, Босна и Херцеговина, каде извршувал неколку функции поврзани со кредитирање, а во 2001 година бил назначен за директор на секторот за кредитирање. Оваа функција ја извршувал до 2003 година, кога станал дел од Управниот одбор и извршен директор во Прокредит Банка АД Сараево. Во 2006 година Кустурица е именуван за директор на секторот одговорен за големи корпоративни клиенти и клучни клиенти во УниКредит Загребачка банка. Во 2007 година станува извршен директор и член од Управниот одбор на ХВБ-Централ Профит банка, а од март, 2008 година е назначен за извршен директор и член на Управниот одбор на УниКредит Банка БиХ.

Кустурица станува дел од Ерсте и Штаермеркише групацијата во јуни 2009 година, со неговото именување за извршен директор и член на Управниот одбор на Шпаркасе Банка АД БиХ, каде во септември истата година е назначен за генерален извршен директор и претседател на управниот одбор на Банката, заклучно со јануари, 2021 година.

Шпаркасе Банка Македонија АД Скопје е дел од Ерсте и Штаермеркише Шпаркасе групацијата, која бележи речиси 2 века постоење на финансискиот пазар во Р. Австрија и претставува синоним за стабилност, сигурност и континуитет во работењето со изграден и препознатлив бренд.